Love Forever Brown debuta no mundo da música en A Polo Ghit, e quere demostrar que calquera pode facer música, mesmo sen a axuda de ninguén. No século que vén é unha canción post-apocalíptica. O seu autor cre que pode ser a canción do verán... aínda que non especifica do verán de que ano. "A letra vai do peor futuro posible, unha GZ futura na que xa non hai montes nin ríos e a poboación é toda anciá e só viven do turismo e o narcotráfico". O filme Acción mutante, de Álex de la Iglesia, e a música dos Resentidos foron a inspiración.

Galiza, ano 2108
Mirade através dos meus ollos
Os anos de crise ficaron atrás desde q o narcotráfico é legal

Galiza, ano 2109
E xa hai tempo q non chove
Están valeiros os encoros, dos ríos só fican os peixes mortos

Galiza no século q ven
Galiza, a ti q máis che ten?

Galiza, ano 2110
Somos capital mundial da vellez
E os turistas españois son propietarios do 90% do chan urbanizado

Galiza, ano 2111
O lume acabou con case tódolos montes
Pa catro q ficaban, estamos listos, unha praga de koalas devora os eucaliptos

Galiza no século q ven
Galiza, a ti q máis che ten?