Vieiros

"Vin un home asiático correr cara ao tren perseguido de preto por tres policías", relatoulle unha testemuña á BBC, "un deles levaba unha pistola, entón botárono ao chan e disparáronlle cinco veces". Son as primeiras informacións que chegan dende Londres, logo dunha nova evacuación no metro, desta volta na estación de Stockwell, ao sur da capital. O individuo perseguido ía ao tren da liña Northern Line, que vén de ser pechada.