Vieiros

O dirixente de Batasuna Pernando Barrena pediulles aos gobernos español e francés que abran unha nova etapa política e que "desactiven todas as medidas represivas e de condicionamento político". O dirixente abertzale fixo ademais un chamamento ao pobo vasco para que lidere esta "gran oportunidade para avanzar cara á paz", anunciando mobilizacións para os vindeiros días. "É fundamental que saiamos á rúa", advertiu, e neste sentido pídelle ao Goberno español que repecte "a palabra da cidadanía vasca". Para isto solicita que se cree "unha mesa para a resolución sen exclusión territorial nin ideolóxica ningunha".