Edición xeral
Gül retira a súa candidatura á presidencia de Turquía
O ministro turco de Asuntos Exteriores anunciou a decisión logo de que o seu partido non lograra o quórum necesario no Parlamento para elixilo.
Abdullah Gül
O Parlamento de Ankara continúa sen determinar un novo presidente de Turquía. Este domingo, o boicot da oposición laica provocou que na cámara non houbese o quórum necesario para levar a cabo a elección.
O único candidato, o islamita moderado Abdulá Gül, ministro de Exteriores do Partido da Xustiza e o Desenvolvemento (AKP), anunciou á vista dos resultados que non se presentará ás eleccións presidenciais: “Despois disto a miña candidatura é imposíbel”.
A oposición laica non apoiou a candidatura de Gül polo carácter islamita moderado do AKP e debido a que a formación controla xa o Goberno e a Presidencia do Parlamento. O exército tamén lembrou esta semana que o “esforzo enmascarado do islamismo” por facerse co control político en Turquía é “un desafío aberto ao Estado”.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto