Vieiros

Co gallo do trixésimo aniversario da aparición do disco God Save the Queen, dos Sex Pistols, o museo londiniense Barbican reúne nunha exposición 150 obras de máis de trinta artistas, tal como esculturas, fotos, películas, pinturas e collages.

Dedicada ao movemento artístico nacido baixo a influencia do punk, a mostra, chamada Panic attack!, permanecerá aberta deica o 9 de setembro.

Estados Unidos e Gran Bretaña
Kate Bush, directora do museo, sinalou que esta "é a primeira exposición que explora con profundidade" o movemento. "Puxemos igual atención tanto ao que pasou en Estados Unidos, como en Gran Bretaña nos anos setenta e oitenta, cando xurdiu o fenómeno", dixo.

A mostra conmemora a aparición do disco God Save the Queen, dos Sex Pistols, unha versión transgresora do himno nacional británico, que causou un gran escándalo en Europa dende a súa publicación o 27 de maio de 1977.