Vieiros

Os regatistas galegos volveron gañar o Mundial da clase tornado nas augas portuguesas de Cascais, aínda que xa se tiñan clasificado antes para os Xogos Olímpicos do ano que vén.

A regata final, a Medal Race -que puntúa o duplo- non se celebrou por mor do forte vento, e a organización outorgou o liderato definitivo ao dueto galego, que xa era líder dende antonte.

Echavarri e Paz terminaron como campións do mundo por diante dos belgas Brouwer e Godefroid e dos holandeses Booth e Nieuwenhuis.