Vieiros

O sábado... en Boiro
Volve a Liga Galega de Traíñas, con dúas regatas puntuábeis a celebrar na fin de semana. A primeira é para a tarde do sábado: trátase da segunda edición da 'Bandeira Concello d'A Pobra do Caramiñal', organizada polo C.R. Puebla.

Nesta proba as tripulacións de cada tanda saen coas popas enfrontadas, o que fai que estas se entrecrucen até catro veces en toda a regata, mentres o espectador tenta atender todo o tempo, para non perder un chisco da proba.

O domingo... en Moaña
No peirao de Meira, en Moaña, as traíñas de Liga Galega xuntaranse todas para facer unha boa carreira e ir escalando posicións na táboa clasificatoria. A proba do domingo está organizada pola S.D. Samertolameu.

As cousas aínda están moi reñidas, cando fican por celebrarse unha ducia de probas, incluída esta. A Clasificación da Liga Galega de Traíñas, até o de agora, é a que segue:

1- S.D. Tirán, 39 puntos.
2- S.D. Samertolameu, 35 puntos.
3- R.C. Náutico de Vigo, 34 puntos.
4- C.Regatas Perillo, 32 puntos.
5- C.R. Chapela, 27 puntos.
6- A.D. Esteirana, 23 puntos.
7- Amegrove C.R., 24 puntos.
8- C.R. Coruxo, 21 puntos.
9- C.R. Puebla, 13 puntos.
10- C.R. A Cabana, 15 puntos.
11- Credimotor C.R. Ares, 13 puntos.
12- C.Mar de Castropol, 7 puntos.
13- S.D. As Xubias, 4 puntos.