Vieiros

Furafollas compartirá dende hoxe escenario e programa coa FDG Teatro de Córgomo, onde levarán o seu espectáculo "Os Troleiros de Provença", ben coñecido polo público barcelonés, e por onde tamén pasarán as "Pantasmas Familiares" de Quico Cadaval.

As xornadas teatrais son organizadas anualmente pola Asociación Cultural Florencio Delgado Gurriarán. Entre os obxectivos que ten a entidade están dinamizar a comarca valdeorresa seguindo o exemplo do poeta, nacido en Córgomo e que da nome á asociación, e demandar á Real Academia Galega que se lle dedique o Día das Letras Galegas.

Tamén pretende achegar a literatura ao público a través do teatro, potenciar a toponimia e os xogos tradicionais e traer anualmente un grupo de teatro portugués, seguindo a fuxida de Florencio Delgado Gurriarán no 1936 cara a Portugal. Como cada ano, faise unha homenaxe á un membro da Real Academia Galega: nesta edición o agasallado será o escritor Xosé Luís Méndez Ferrín.

A Agrupación Teatral Furafollas e a Asociación Cultural FDG son membros de Rede.cat. Na web das xornadas teatrais pódese ver o programa completo.