Vieiros

A Volta + Nov@s chega a Santiago de Compostela a segunda feira 27 de agosto, tras ter pasado por Allariz o día 14. Esta actividade xa estaba prevista para o mércores 22, mais foi suspendida polo pasamento da nai do presidente da Federación Galega de Ciclismo.

Esta pequena volta para os cativos e cativas está incluída dentro das actividades promocionais da saída da 'Vuelta Ciclista a España 07', e está organizada pola Federación Galega de Ciclismo, en colaboración coa Fundación Deporte Galego, e a Fundación Ciclismo Galego.

Ademais das carreiras federadas, -para as categorías benxamín, alevíns e infantil e cadetes-, todo o mundo poderá participar nunha gymkana onde demostrar as súas habilidades ciclistas e, ao tempo, poderán pasar unha tarde diferente, cunha ciclobiblioteca, con contacontos e obradoiros de animación á lectura.

Quen queira participar, só se ten que inscribir o mesmo día no Estadio de San Lázaro, onde se van desenvolver todas estas actividades, un chisquiño antes de que comezan, aí por volta das 17:00 horas.