Vieiros

A Asociación de Enxeñeiros de Telecomunicación de Galicia (AETG) vai redactar o primeiro Dicionario Enciclopédico Galego das Tecnoloxías da Información. Así o anunciou hoxe a Consellaría de Industria, que aportará máis de 167.000 euros para o proxecto.

Actualización continúa
A elaboración da obra tardará tres anos e estará dispoñíbel en liña nos portais da AETG, da Real Academia e da Escola Superior de Enxeñeiros de Telecomunicación de Vigo, que tamén colaborarán no proxecto.

Seminarios
Un dos aspectos máis salientábeis é que o Diccionario actualizarase "de xeito permanente". A Xunta tamén promete a creación "de grupos de traballo para o desenvolvemento conxunto da lingua e das tecnoloxías".

Ademais, Industria vai financiar catro seminarios en cidades para promocionalo e "incorporar, ao mesmo tempo, a personalidades locais dos ámbitos de interese".