Vieiros

Un tribunal de arbitraxe independente vén de confirmar a dopaxe do ciclista Floyd Landis. Segundo este informe, o gañador do Tour 2006 recorreu á testosterona para mellorar o seu rendemento deportivo. A Landis péchanselle practicamente todas as portas e tan só ten como última carta unha apelación diante do Tribunal de Arbitraxe Deportiva. De confirmarse os informes, o galego Óscar Pereiro sería proclamado vencedor.

Este último informe é un pau duro para Landis, que sempre negou a existencia da dopaxe e apuxo os resultados á "incompetencia" do laboratorio francés. O ciclista leva camiño de converterse no primeiro corredor dos 105 anos da historia do Tour de Francia que perde o mailló amarelo unha vez finalizada a proba.