Vieiros

Ana Míguez, presidenta da asociación Alecrín de Vigo, participa nestas xornadas internacionais que contan coa participación de mulleres feministas, expertas en violencia contra as mulleres e homes que propoñen outro modelo masculino de relación entre os sexos.

A experta galega falará o venres pola tarde nunha mesa redonda titulada "Intervención integral contra a explotación sexual" que comparte con Lidia Falcón (Avogada feminista e codirectora de Vindicación Feminista), Lara Padilla (AFESIP Catalunya), Asunción Miura (Comisión para la Investigación de Malos Tratos a Mujeres) e Enric Royo (Médicos del Mundo Catalunya).

As xornadas están organizadas pola Comisión para la Investigación de Malos Tratos a Mujeres e a Plataforma de Organizaciones de Mujeres por la Abolición de la Prostitución. Os debates, que terán lugar ao longo de dous días, ábrense coa intervención de Victoria Sau, Doutora en Psicoloxía, e péchanse cun documental sobre o tráfico de mulleres feito en homenaxe á feminista M. José Urruzola.

I Jornadas Internacionales Explotación Sexual de Mujeres en Catalunya

28 e 29 de setembro de 2007

Colegi d’Advocats de Barcelona
c/ Roger de Llúria, 113