Vieiros

Cando hai un ano que o Parlamento aprobou por unanimidade que se tomasen medidas para fomentar a lingua en todos os actos vinculados á morte, o BNG vén demandar o cumprimento daquela norma, pese á “frivolización” que se fixo nun primeiro momento.

O grupo nacionalista lembra que a proposición non de lei aludía á práctica ausencia do galego nas lápidas, con só o 0,001 na nosa lingua, ou das necrolóxicas, cun 3,3%, polo que se solicitaba poñer en marcha un programa dirixido ás xerarquías relixiosas, os concellos, empresas funerarias e florarías.

O BNG pregunta polas medidas concretas que o Goberno adoptou ou pensa adoptar para das cumprimento ao acordo, que apoiaron os tres grupos parlamentarios a pesar de que o PP o empregou como argumento “demagóxico” e “impresentábel” para acusar a Consellaría de Medio Rural de destinar os cartos da loita contra incendios ás lápidas en galego.