Vieiros

O colectivo Cultura Si, Mausoleo Non considera que diante do incremento do custo final, que segundo algunhas previsións podería chimpar até os 600 millóns de euros, é necesario que o Goberno admita que o proxecto "é unha ruína". A plataforma propón que as edificacións xa construídas sexan reencamiñadas cara á usos sanitarios, educativos, de asistencia social ou da Xunta".

De paso, fan unha chamada a todos aqueles cidadáns que no seu momento "apoiasen os obxectivos do movemento Nunca Máis" para que retomen "a raíz crítica e de non sometemento ás mentiras e manipulacións do poder" e apoien as mobilizacións fronte ao proxecto do actual Goberno de darlle continuidade ao "proxecto soñado por Fraga".

Cultura Si, Mausoleo Non tamén fala de "cinismo e hipocrisía" pola falta de vontade da que acusan a socialistas e nacionalistas aos que acusan de "non dar ningún paso legal para esixírenlle responsabilidades penais aos dirixentes do PP que presuntamente foron os causantes de todo tipo de ilegalidades".