Vieiros

O que fai "23andMe" é enviar á casa dos seus clientes un kit para realizárense un test de saliva e coñecer, deste xeito, o seu perfil xenético. Estes datos, ademais de seren de interese para os seus propietarios, quedarán almacenados nunha base de datos que xa se coñece como o "Google" do ADN.

A través da iniciativa, poderanse coñecer datos sobre a predisposición a determinadas enfermidades con base xenética como, por exemplo, o cancro, e incluso, o nivel de parentesco que se pode ter cun famoso.No entanto, xa empezan a aparecer suspicacias sobre o nivel de privacidade que esta páxina pode ter.

E é que, malia que a empresa afirma que esta se manterá intacta e que os datos de cadaquén só serán accesibles a través da súa conta persoal, paralelamente, admítese a creación desa xigantesca base de datos xenética, na que a inviolabilidade semella non ter moita cabida.