Vieiros

As tres casas ubícanse na Rúa de Abaixo, moi próximas entre si. A compra da vivenda de Rafael Dieste, negociada entre o concello e os familiares do escritor enmárcase dentro do proxecto da Academia Literaria de Rianxo. Este proxecto tamén prevé a creación dun Centro de Investigación dedicado aos tres autores, que se instalará no Pazo de Martelo (actual biblioteca municipal).

Despois de que o pasado ano se pechase a adquisición da vivenda de Manuel Antonio, agora só resta finalizar as negociacións que o Concello encetou coa familia Baltar, propietaria da casa familiar de Castelao.