Vieiros

A Sociedade de Taxación informou este mércores que o prezo medio da vivenda nova en Galiza aumentou un 5,1% en 2007. Os datos revelan un arrefriado claro na suba de prezos xa que a mesma entidade taxara o aumento ao longo de 2006 nun 10,7%. Para 2008, a Sociedade de Taxación coida que o prezo dos pisos vai ter un crecemento semellante ao do IPC, aínda que nalgúns municipios a suba incluso pode ser menor ou nin chegar a producirse.

Os datos mostran que Cataluña, cun 8,3%, e Valencia (7,9) son as comunidades que sufriron un maior incremento no prezo dos pisos. As subas máis moderadas corresponden a Navarra (1,9) e a Baleares (0,9).