Vieiros

O acto, que terá lugar no Ateneu Popular de Nou Barris, combina un debate con proxección de diapositivas sobre a exposición de Gabriel Tizón (Galiza), co espectáculo circense de Los Excéntricos (Catalunya, Francia, Italia) e coa actuación, coma fin de festa, de Pulpiño Viascon (Galiza) e amigos. Unha noite na que a través da conxunción de fotografía, teatro e música se poida gozar dos traballos destes grandes artistas, sen deixar de lado un pequeno espazo para a reflexión e a solidariedade.

Rede.cat dá continuidade a Axenda Cultural Galega do 2007-2008 con este acto que forma parte dun dos espazos que a definen, as Propostas Libres: aquelas presentadas por persoas ou colectivos a Rede.cat para organizar conxuntamente ou de maneira exclusiva e que cadran cos seus obxectivos.


Sábado 19 de xaneiro
Inauguración da exposición "Por Narices", de Gabriel Tizón, con "Pulpiño" Viascon e amigos mais a compañía Los Excéntricos

20:00. Inauguración da Exposición.

20:30. Sorrisos por…. Proxección de diapositivas e charla - debate con Gabriel Tizón e convidad@s.

22:00. Espectáculo Rococó Bananas da compañía Los Excéntricos

24:00. Concerto de Pulpiño Viascon e amigos

Ateneu Popular de Nou Barris
C/ Portlligat, 115 . Barcelona
Metro Trinitat Nova (L4)

Entrada libre.