Vieiros

O ministro israelí de Defensa, Ehud Barak, accedeu finalmente -ante a presión internacional- a que, a partir deste martes, se restabeleza o subministro de combustíbel á planta eléctrica de Gaza, así como tamén o de medicinas, segundo anunciou un portavoz do goberno.

A planta eléctrica, que depende do combustíbel que financia a UE, apagou as súas dúas turbinas este domingo deixando á maior parte da cidade de Gaza sumida na escuridade, despois de que Israel pechase as fronteiras a pasada semana.

Nacións Unidas condenou o domingo a decisión de Israel, mais o goberno do primeiro ministro Ehud Olmert sinalou que deberían de dirixir as súas críticas cara aos militantes de grupos palestinos que disparan proxectís no sur de Israel.