Vieiros

Arredor de dúas ducias de colectivos diversos confirmaron a súa presenza nas actividades convocadas para este sábado 26 de xaneiro coincidindo co Día de Mobilización e Acción Global promovido polo Fórum Social Mundial. Moitas máis, até 73 organizacións de todo o país, apoian a iniciativa, xunto cun cento de adhesións a título individual de representantes de distintos eidos sociais.

Durante a xornada deste día 16, todos eles participarán na Facultade de Xeografía e Historia da USC, en Santiago de Compostela, na Asemblea de Movementos Sociais e na Feira de Asociacións e Alternativas. Tres obxectivos concretos na axenda: expresaren a solidariedade cos valores e ideas do Foro Social Mundial, subliñar a oposición fronte ás prioridades estabelecidas polo Foro Económico de Davos e estimular o debate ao respecto da necesidade de estimular un Foro Social Galego.

Poden ampliar no espazo Altermundo.