Vieiros

Pasados cinco anos da catástrofe do Prestige e aínda coa sombra da precariedade nos medios de salvamento marítimo, publicábase a finais do ano pasado un libro que fala da experiencia dos voluntarios e das voluntarias que se achegaran á costa galega.

Josep Figueras, que estaba daquela por Galiza facendo o Camiño de Santiago, achegouse á costa galega e fíxose famoso por ser un dos primeiros voluntarios que recolleu piche e máis pola ousadía de falarlle ao monarca español, coas mans untadas de fuel, na visita do rei á zona afectada polos vertidos do petroleiro.

O libro, editado en castelán e en galego e que leva un prólogo de Suso de Toro e un epílogo de Manuel Rivas, quere deixar constancia da mala xestión do accidente por parte das administracións daquel tempo e deixar testemuño da marea de solidariedade e da capacidade de organización da sociedade civil.

Josep Figueras é actualmente presente da ONG "Voluntaris sense fronteres" e Xavier Poza é xornalista especializado en comunicación audiovisual e colabora con varios medios.

Xoves, 7 de febreiro, 20 h

Presentación do libro: Mareas negras, mareas brancas

de Josep Figueras e Xavier Poza

Galeria Sargadelos

Provença, 276

FIGUERAS, Josep; POZA, Xavier (2007): Mareas negras, mareas brancas "Os voluntarios do Prestige: conciencia viva dunha catástrofe". Ediciones El Andén.

FIGUERAS, Josep; POZA, Xavier (2007): Mareas negras, mareas blancas "Los voluntarios del Prestige: conciencia viva de una catástrofe". Ediciones El Andén.