Galiza podería participar nos vindeiros 'Jogos da Lusofonia'
A directora xeral para o Deporte vaise xuntar cos máximos responsábeis do deporte portugués para falar da asistencia das seleccións galegas a este campionato.
A directora xeral para o Deporte, Marta Souto, ha manter esta cuarta feira unha xuntanza no Comité Olímpico de Portugal, e posteriormente no Instituto do Deporte Portugués, cos máximos responsábeis do deporte luso para tratar diversos temas relacionados co deporte.
Souto tamén vai falar de futuros acordos para fomentar o intercambio de experiencias a nivel deportivo entre o noso país e o veciño, e, entre outras cousas, vai tratar a posíbel participación de Galiza nos vindeiros Jogos da Lusofonia, que se han desenvolver en Lisboa o ano que vén.
Nestes Xogos participan as seleccións dos países lusófonos en oito modalidades deportivas: atletismo, baloncesto, fútbol, fútbol sala, taekwondo, tenis de mesa, voleibol e volei praia. Esta cuarta saberase se Galiza ha tomar parte na próxima edición
Ligazóns
- Páxina da organización dos Xogos, a Asociação dos Comités Olímpicos de Língua Oficial Portuguesa (ACOLOP)
- Posicionamento de Siareir@s Galeg@s ante a posíbel participación de Galiza nos II 'Jogos da Lusofonia'
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto