Vieiros

"Non sempre se gaña, mais temos aínda outros dous procesos que agardamos, relativos ao proxecto de Mira, un sobre o licenciamento, que é o que este tribunal entende ser impugnábel, e outro relativo á venda dos terreos", explica Hélder Espínola, voceiro de Quercus, para o diario Público.

Quercus seguirá así a loita contra a macropiscifactoría autorizada polas administracións portuguesas na localidade de Mira e en plena Rede Natura, malia que o Tribunal Administrativo e Fiscal de Coimbra considerou "improcedentes" as peticións de anulación da Declaración de Impacto Ambiental do proxecto. Con todo, os ecoloxistas critican a decisión do tribunal e recordan que en casos semellantes os tribunais aceptaran a impugnación da declaración ambiental.