Vieiros

O diario británico The Guardian revelaba esta semana a investigación da asociación Reprieve, colectivo en defensa dos dereitos humanos, segundo a cal desde 2006 producíronse ducias de detencións de sospeitosos de terrorismo en instalacións secretas, malia que o presidente dos Estados Unidos, George W.Bush, anunciara daquela que lle poñía fin a esas prácticas.

Pola contra, un informe do colectivo revelaría que para este tipo de detencións á marxe da legalidade internacional, o goberno dos EUA usou buques militares funcionando ao xeito de "cárceres" no mar. Os interrogatorios prodúcense nos barcos, onde estas persoas son retidas por tempo indefinido, até que son trasladadas a centros de detención existentes en terceiros países.

Máis en The Guardian: Os EUA acusados de reter sospeitosos de terrorismo en barcos cárcere