Vieiros

Unha vez superado o récord de participantes en A Polo Ghit, esta fin de semana engadimos dez temas máis que aspiran a se converteren na canción galega do verán e a ir a Laponia representando o noso país e a nosa lingua.

Como é habitual, as cancións caracterízanse pola variedade de estilos, polo que as votacións estarán moi disputadas entre a xente partidaria duns e doutros xéneros. E aínda queda unha semana e media para que as bandas e solistas do país participen!

Na web xa están penduradas as dez novas cancións dos grupos Snatch, Hevel e Rayel, Alféizar, Balakandra, Pasqual Rumblers, Gheada, Royalties, T. V., Megaloves e Ola Nube Kinton & Oxo Band.

Sorte e a polo Ghit!