Vieiros

O domingo era o día decisivo na Pantín Classic, e o tempo foi benévolo cos afeccionados ao surf. Non houbo as enormes ondas dos días anteriores (aínda que superaron os dous metros), pero o espectáculo puxérono os surfistas, nunha competición de alto nivel que fixo desfrutar ao publico que se achegou deica a praia.

William Cardoso enfrontouse na final ao polinesio Michel Bourez, que non conseguiu aguantar o dominio que o brasileiro exerceu dende o principio. Pola súa parte, a arxentina Ornella Pellizzari convertiuse na primeira muller non europea en gañar a proba de Pantín, despois de dominar con autoridade.