Vieiros

A Consellaría de Medio Ambiente e a Asociación de Propietarios Rurais e Produtores de Caza (Aproca) destinarán un total de 107.400 euros (Medio Ambiente achegará 90 mil) ao financiamento de actividades de formación entre os cazadores, melloras nos terreos cinexéticos e nas súas infraestruturas e á realización de estudos para fixar as poboacións cinexéticas.

O acordo, asinado este luns polo conselleiro Manuel Vázquez e o presidente de Aproca, Luis Nistal, pretende aproveitar a estrutura e os medios persoais e materiais cos que conta a asociación para as funcións de asesoramento técnico e xurídico aos cazadores, para a mellora dos terreos e para a elaboración dos estudos de campo.

No marco das accións de formación e divulgación, está prevista a posta en marcha dun programa sobre seguridade na caza, que incluirá a edición de material formativo, así como a adquisición de bípedes de sinalización para as cazarías e chalecos reflectores para os cazadores. Do total do orzamento.