Vieiros

A principal organización do empresariado español, a CEOE, destapou as cartas que quere xogar nestes momentos de crise. O seu presidente, Gerardo Díaz Ferrán, asegura que hai dúas “receitas” básicas para combater a crise económica. Por un lado falou abertamente da necesidade de abaratar os despedimento dos traballadores e polo outro da “flexibilización” do mercado laboral. Na actualidade as indemnizacións por despedimento varían entre os 20 e 45 días por ano traballado (segundo a procedencia ou improcedencia da rescisión).

Díaz Ferrán fixo estas declaracións este xoves no marco do XII Congreso Estatal de Empresarios de Transportes, que se celebra en Compostela, e ao que acudiu tamén o presidente da Xunta, Emilio Pérez Touriño.

• Bush recoñece a grave crise de EUA e pide apoio para o seu plan intervencionista
• O goberno alemán prognostica que EUA está a piques de perder a hexemonía financeira