Vieiros

Pode navegarse xa en internet o Vocabulario Multilingüe de Economía, unha versión preliminar que os seus autores irán completando aos poucos e que convidan a consultar a economistas, profesores, xornalistas, tradutores, redactores, estudantes e todo aquel interesado en perfeccionar o uso de termos técnicos neste ámbito.

A ferramenta é unha das novidades que nos achegan esta semana no Cartafol dixital da USC. Nace con milleiros de entradas, un total de 4 mil en galego, coas correspondentes equivalencias en cada unha das cinco linguas. Ademais das equivalencias, proporciónase información gramatical e sinónimos documentados como variantes en cada unha das linguas.

O proxecto conta co apoio do Plan Estatal de I+D+I do Ministerio de Educación e Ciencia 2004-2007, e foi coordinado pola Universitat Pompeu Fabra e a Universidade de Santiago de Compostela. Participaron tamén investigadores da Euskal Herriko Unibertsitatea e da Universiteit Antwerpen.