Vieiros

Cun espazo escénico no centro neurálxico da cidade condal, preto dun percorrido musical jazzístico activo de locais de renome dentro e fora da cidade e cunha escola de jazz na zona, El Taller de Músics, con fama e renome nacional e internacional, o Centro Galego aproveita esta posición estratéxica para potenciar a nosa entidade e a nosa música.

A programación comeza coa intencionalidade dun concerto mínimo, jamm session, mensual, no segundo sábado de mes, cunha programación activa de setembro a xuño.

A proposta ten como obxectivo situar o Centro Galego como un espazo referente do jazz en Barcelona, en concreto do jazz feito en galego, e deixar claro que é tan internacional como calquera outra proposta deste estilo musical que se achegan a Catalunya.

Sábado 29

19 h | Actuación
Inauguración do I Ciclo de Jazz no Centro Galego de Barcelona

Actuación do trío de jazz "Viaje/Voyage"

Sergi Sirvent (Barcelona, Catalunya)-Piano
Juan Pablo Balcázar (Bogotá, Colombia)-Contrabaixo
Dani Domínguez (Galiza)-Batería

Entrada libre.

Sala Ferrío
Centro Galego de Barcelona
Rambla de Caputxíns, 35