Vieiros

Un incremento que chega principalmente polo aumento no Censo de Residentes Ausentes (CERA), que viu disparar os seus números malia que segue pendente a depuración. De feito, e segundo recoñece o propio Ministerio de Exteriores, a cifra de 334 mil electores do CERA podería verse reducida até nun 30%, é dicir, cen mil electores menos, de corrixírense os erros.


Con datos actualizados en novembro, son 2.637.601 de cidadáns chamados ás urnas. Debullando por provincias:
-A Coruña: 1.067.815 electores
-Pontevedra: 869.927
-Lugo: 375.582
-Ourense: 324.277

Serán as oitavas eleccións democráticas en Galiza, e renovaranse así os 75 deputados do Parlamento. O reparto, recordámoslles, deixa por circunscrición provincial o seguinte reparto de escanos:
-A Coruña: 24 asentos
-Pontevedra: 22
-Lugo: 15
-Ourense: 14

O calendario estabelecerá que a campaña electoral comece o día 13 de febreiro. Dez días antes presentaranse formalmente as candidaturas. Á semana seguinte do inicio da campaña quedará xa aberto o prazo para o voto dos emigrantes e o voto por correo estaría aberto até o día 24. O 23 de febreiro poderían publicarse as últimas enquisas co prognóstico de resultados. Entre a última semana de marzo e a primeira de abril sería a sesión constitutiva do novo Parlamento e á volta de Semana Santa comezaría formalmente a nova lexislatura. Entre finais de abril e comezos de maio produciríase a investidura do novo Presidente da Xunta.