Vieiros

A longa crise política en Bélxica ten desde esta semana unha nova oportunidade de xestión. AS principais formacións políticas acordaron a edición dunha nova coalición gubernamental que estará liderada no cargo de primeiro ministro polo democristián flamengo Herman Van Rompuy. Ex ministro de Finanzas durante a época da entrada ao euro de seu país, a Rompuy tócalle agora liderar o goberno no medio dunha conxuntura económica e política moi complicada.

Atrás queda a última crise, aberta arredor do executivo que lideraba Yves Leterme, da mesma corda política que Rompuy, e que deixou o cargo despois das acusacións ao seu gabinete polas presuntas presións a un tribunal de apelacións en contra dos accionistas do macrogrupo banqueiro Fortis, que disputaban a venda de activos da entidade ao xigante francés BNP Paribas. Leterme apenas durou nove meses no cargo.