Vieiros

Os xirasoles cegos, o filme de José Luis Cuerda filmado en Ourense, non tivo unha boa noite, e malia ás súas 15 nominacións, só levou un premio. Entre as opcións que perdeu están as dos dous actores galegos candidatos (José Ángel Ejido como actor de reparto e Martiño Rivas como actor revelación), que quedaron sen Goya. A gran triunfadora da noite foi Camino, de Javier Fesser, que acadou seis dos sete premios aos que aspiraba, entre eles o de mellor película, mellor director, mellor guión orixinal e mellor actriz protagonista.

Na categoría de mellor longametraxe de animación, na que tres das catro películas nominadas tiñan produción galega, o premio foi para O lince perdido, coproducida por Perro Verde Films. Na outra categoría na que había opcións para o cinema galego, O ataque dos kriters asasinos (de Sam Orti Martí) non puido acadar o premio de mellor curtametraxe de animación.