Vieiros

O economista Luis Carrera recoñeceu non declarar a Facenda a cantidade que recibiu por prestar asesoramento ao Banco privado Portugués para organizar a súa entrada no mercado galego, aínda que o xustificou dicindo que a entidade lusa lle fixo o pagamento a través da súa sucursal en Illas Caimán e, ao non recibir ningunha notificación, "se lle pasou".

En declaracións a Europa Press, o até hoxe número un da lista do PP por Ourense dixo comprender a decisión do líder do PPdeG, Alberto Núñez Feijoo, de apartalo da candidatura por este motivo. Afirmou Carrera que a súa continuidade "non sería demasiado estética".