Vieiros

"Por que a Touriño lle cae un ollo? Foi ao ver os resultados electorais do PSOE?... Que está vendo Anxo Quintana que lle produce tanto medo?... Está vendo o seu futuro no BNG ou a Beiras cun zapato na man?... Será certo o rumor que tralas eleccións convertéronse en Zombis... Se queres saber que carallo lle pasa ao Bipartito... busca a resposta a finais da semana que ven nos quioscos galegos!". Así de gorentoso ven o novo número da Revista Retranca, desta volta cun especial electoral no que os habituais analistas políticos da publicación botarán luz sobre as incógnitas que deixou o 1 de marzo.

E continuando con eleccións, Retranca continúa pedindo o voto para ser nomeada 'mellor revista' no Saló del Cómic de Barcelona 2009. O gañador decidirano os internautas; así que se queres que Retranca sexa a gañadora, podes votar por ela aquí.