Edición xeral
"É a volta á censura do Prestige", agoiran os socialistas sobre a CRTVG
O deputado Xosé Manuel Lage láiase da elección do PP para os medios públicos e critica que non se buscase o prometido consenso.
O voceiro da área Institucional do Grupo Parlamentario do PSdeG, Xosé Manuel Lage Tuñas, afirmou este luns que os nomeamentos das novas directoras da Televisión de Galicia e a Radio Galega supoñen "unha volta á época da manipulación, censura, descrédito e precariedade laboral dos traballadores do ente público".
Desta forma, recordou que ambas as dúas, Rosa Martínez e Rosa Vilas, foron nesa época a subdirectora de informativos da televisión e a subdirectora da Radio Galega, respectivamente. Así mesmo, afirmou que con este nomeamento se demostra que Alfonso Sánchez Izquierdo --director xeral da CRTVG-- está "ao servizo do PP" e prima "a fidelidade a un partido". Ao tempo, recordou Lage que "o momento de menor credibilidade dos informativos públicos foi precisamente durante a traxedia do Prestige".
Para o responsábel socialista, constátase "unha vez máis que Feijoo e o PP tiñan unha folla de ruta marcada, onde non cabía o consenso con outros grupos parlamentarios para nomear a dirección da CRTVG nin pretendían un amplo acordo".
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto