Vieiros

O PSdeG mantén o tipo. Isto é o que pensa o seu líder 'Pachi' Vázquez. Como proba sinalou que mentres o PSOE caía case cinco puntos a nivel estatal o PSdeG non chega a perder dous. Para o socialista, esta é a mellor demostración de que o seu partido é a “única alternativa seria” ao PP en Galiza.

Logo de felicitar ao PP, Vázquez sinalou que o BNG está a pasar un “momento difícil”. “Non é un bo día para o Bloque, desexo que se recupere”, dixo. Posteriormente, volveu a reiterar que o obxectivo do PSdeG é gobernar Galiza en solitario dentro de catro anos: “Temos un proxecto propio e estes datos apuntan a que estamos na boa dirección.”