Vieiros

-Festival de Pardiñas, en Guitiriz
Con esta serán trinta as edicións de Pardiñas, unha festa musical completamente consolidada no país que este ano chega á súa edición número 30. Aproveitamos para darlles os parabéns á xente da asociación sociocultural Xermolos, infatigábeis ano tras ano en levantar este evento convertido en referencia. Ademais, non esquezan, inclúe mostra de artesanía e mostra de instrumentos musicais tradicionais (organizada pola Asociación de Gaiteiros Galegos).
E velaí o gorentoso cartel:

O Sábado 1

MUYAYOS DE RAÏZ HOLANDA/EUSKADI
LA BELLE IMAGE FANFARE FRANCIA
HEDNINGARNA SUECIA
BANDA POTEMKIN GALIZA

O domingo 2

BLOQUINHO DA SALGUEIRA GALIZA
LÚA DE FOUCE GALIZA
PEPE VAAMONDE GRUPO GALIZA
PAN DE CAPAZO nómadas


-En Moaña, o Intercéltico do Morrazo
Outra cita histórica chega en Moaña, onde o Intercéltico cumpre o vintecinco aniversario e volve ao escenario do paseo da Xunqueira. A xolda deu comezo o venres, con Gwendal e Óscar Ibáñez. Para este sábado día 1 de agosto agardamos a Milladoiro e a Mafalda Arnauth.

-Festa da Carballeira, en Zas
E por se lla lles puxemos difícil a escolla, recordámoslles que cumpre 26 edicións a canfurnada folque de Zas, en incomparábel marco natural. A cita será única na xornada de sábado, onde, completados os xantares, comezaran a animar o persoal os grupos de baile de Castro-Meda, Donaire e Ruote e máis a banda de gaitas Maruxía. E xa á noitiña, a maratón musical encabézaa Capercaillie e inclúe ademais a Mutenrohi, O Sonoro Maxín e Tejedor.

-Intercéltico de An Oriant (Breizh)
E xa lles contamos do inicio este pasado venres do inicio por terras da Bretaña do intercéltico que nesta edición volve render homenaxe a Galiza. Até o 9 de agosto poden visitar o que pasa por ser o máis importante festival celta. Ao respecto, falamos con Anxo Pintos, de Berrogüetto e Sondeseu