Vieiros

Até por dúas veces igualou o marcador o Deportivo da Coruña no seu debut ligueiro no campo do Real Madrid. Finalmente, os madridistas lograron un último tanto, andado o minuto 60, que os poñía por diante unha vez máis, xa definitiva, cun 3 -2. Mais deixou bo sabor o equipo herculino, que foi quen de poñerlle cara en todo momento á suma de millóns de euros que debuxaba, con escatimado rendemento, o conxunto titular rival sobre a cancha.

Por outro lado, en Vigo o Celta turrou e fíxose merecedor de que o dominio expresado no campo de Balaídos tivese consecuencia no marcador. Pero a sorte estaba do lado dos visitantes sorianos neste debut ligueiro e o Numancia foi quen, logo de adiantarse no marcador, de volver desfacer o empate furado por Trashorras vinte minutos antes.

Poden ampliar en Canaldeportivo.com e Celtavigo.net