Vieiros

O executivo de Rodríguez Zapatero alentou aliviado este mércores. Grazas ao apoio de de PNV e Coalición Canaria, os socialistas tiraron abaixo as emendas á totalidade dos orzamentos 2010 que presentaran PP, CiU, UPyD, ERC-IU-ICV e o BNG. Estes grupos sumaron as súas forzas para obrigar a devolver os orzamentos ao Consello de Ministros, porén finalmente non lograron o seu obxectivo.

Superado este primeiro trámite, agora os grupos parlamentarios teñen que presentar antes de que remate esta semana as súas emendas parciais. A principios de novembro debateranse e votaranse estas novas propostas da oposición. O PSOE agarda ter para daquela outra vez o apoio do PNV e de algún outro grupo parlamentario.