Vieiros

Desde este venres, ás 17.30 horas, e durante toda a fin de semana desenvólvese no Auditorio de Galicia, en Compostela, o MUFEST, o I Festival de Cine feito por Mulleres. Un certame organizado pola Asociación Andaina Mulleres, que conta coa colaboración da Concellaría de Benestar Social e Igualdade de Santiago.

O obxectivo é "fomentar a creación audiovisual das mulleres proporcionando un espazo para a exhibición e o debate, onde teñan cabida as novas creadoras profesionais ou afeccionadas". Dentro do programa, que inclúe diversas proxeccións, está prevista a presenza de autoras, produtoras e guionistas para compartiren as súas experiencias e os seus primeiros pasos no mundo audiovisual.

• Anterior: Só o 8% dos filmes producidos no Estado están dirixidos por mulleres