Vieiros

Un profesor iraniano de universidade morreu logo de estourar un artefacto fronte ao seu domicilio no norte de Teherán, segundo informou a televisión estatal por satélite PressTV. Polo momento, descoñécese se hai outras vítimas.

O docente, identificado como Massoud Ali-Mohammadi, é un dos principais expertos en enerxía nuclear do país. O atentado executouse cunha motocicleta bomba accionada, segundo parece, por mando a distancia no barrio setentrional de Qeytariyeh, agregou esta mesma fonte.

É o primeiro atentado destas características que se produce en Irán desde que o pasado 13 de xuño estalase a crise política e social que divide ao país. O réxime iraniano acusa os EUA e o Reino Unido, entre outros, de fomentar os disturbios, onde aseguran que participan membros do movemento opositor no exilio, Muyahidin Jalq, cualificado como terrorista por Teherán.