Vigo restrinxirá a venda de alcol pola noite co fin de combater o 'botellón'
A medida afectará os negocios que ofertan os seus produtos, entre estes bebidas alcohólicas, pola noite.
Ofertaranse "alternativas saudábeis"
Segundo informa o Concello de Vigo na súa web, o goberno municipal ten previsto restrinxir a comercialización de alcol desde as 22.00 horas para combater o 'botellón'. Os locais que vendan bebidas alcohólicas fóra dos horarios marcados serán sancionados.
A medida afectará basicamente os comercios que ofertan distintos produtos, entre estes bebidas alcohólicas, durante a noite.
O alcalde da cidade, Abel Caballero, xustificou a decisión por entender que o 'botellón' leva implícito "ruídos, enfrontamentos e malestar entre a cidadanía", ademais de causar "consecuencias negativas para a saúde dos mozos".
Como medida de choque, a Alcaldía pretende abordar accións dirixidas a reorientar o lecer da poboación máis nova "mediante alternativas saudábeis".
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto