Vieiros

A Asociación Socio-pedagóxica Galega (AS-PG) busca voces para un documental sobre Uxío Novoneyra. O colectivo convoca o concurso para seleccionar unha voz feminina e outra masculina que se encargarán de recitar textos do autor do Courel.

Os aspirantes terán que gravar en formato mp3 dous poemas do libro Os Eidos e envialos a través dun formulario que está na páxina web da AS-PG. Os traballos deberán de chegar antes do 22 de febreiro.

A AS-PG quere ter o documental na rúa o vindeiro mes de abril para celebrar o Día das Letras, que este ano está adicado ao poeta, finado hai once anos en Compostela, e que está considerado unha das figuras máis salientábeis da poesía galega das últimas décadas.

Poden ver aquí os requisitos para as probas.