Vieiros

O complicado mapa político iraquí comeza unha nova etapa esta semana co obxectivo de debuxar un pouco doado goberno estábel para o país baixo ocupación estadounidense. O novo equilibrio ten á fronte a coalición liderada polo ex primeiro ministro Allawi, que colleitou 91 dos 325 deputados do Parlamento. Atrás del, a formación do actual primeiro ministro al-Maliki paraba nos 89 asentos.

A ausencia de maioría esixe pactos, e en terceiro lugar abrolla a Alianza Nacional integrada por varios colectivos xiís, que suma 68 deputados e o grupo curdo, con 38. En principio Allawi contaría con trinta días para facer valer a súa maioría nas negociacións e chegar a acordos, mais un dos temores é que o proceso se estenda demasiado, tal e como xa aconteceu nos comicios de 2005, rematando nunha vaga de violencia logo de meses sen constituírse un novo goberno. Violencia que segue sen desaparecer das rúas iraquís onde a véspera da promulgación oficial dos resultados se producían nunha provincia ao norte do país explosións con saldo de máis de medio cento de mortos.

Para ampliar:

• No especial da BBC: Loita polo poder en Iraq
• En A-Iasira: Allawi comeza as conversas para a coalición