Vieiros

Prométennos grandes doses de frescura e intensidade. Serán seis os grupos e solistas participantes, cubrindo un amplo abano de estilos, do heavy ao pop.

Soben ao novo escenario do Coliseum, a Sala Túnel, e son os gañadores do certame A Coruña Son nesta edición 2010. Á luz das propostas que levan saído en anos anteriores, non haberá decepción para os que se acheguen a gozar das composicións. Entrada de balde para ver e escoitar a: Batital, Fuco Xabier, Javier Ferreirós, Avante, Qronopios e Os John Deeres. Todos eles participan estes días no obradoiro de composición coordinado por Gastón Rodríguez, Andrés Teijeiro, Bieito Romero, Xabier Díaz, Carmen Rey e Sergio Lago.