Vieiros

O tren da unha show naceu en Laxe no entroido do 2009 co único fin de pasalo ben e non levar un gholpe. Formado por expertos sumilleres tabernícolas e recoñecidos larpeiros (que non "papeiros"), gustan de xuntarse e de cando en vez botarlle unhas parrandadas.

Eles son: Xosé Manuel Toja "Piticas": Voz solista e guitarra; Jesús Mari Pose: coros e percusión; Tom Bello: batería e percusión; Víctor García: baixo e coros; Javier Cundíns: teclados.

Logo de que a pasada semana triunfase 'A Quimbumbia' dos Ulträqäns, a peza 'A marajota', de O tren da unha show, convértese no ghit destacado na apertura do mes de xuño. Moi perto nas votacións desta semana aparece a 'Tola atrás de ti', estrea en A Polo Ghit de Sés, o grupo de María Xosé Silvar.

O top 5 saído das vosas votacións da última semana queda do xeito seguinte:

1.A marajota, de O tren da unha show
2.Tola atrás de ti, de Sés
3.Viaxe a Urano, de Pito de Pikasso
4.Quimbumbia, de Ulträqans
5.O mundo cai, de A Voleo

Os marcadores póñense a cero outra vez na procura do ghit máis popular da semana que entra. Esperamos os vosos votos!

E seguimos agardando pezas. Velaquí as bases de A Polo Ghit 2010.